الشروط والأحكام
عن المتجر
متجر رسمتك الإلكتروني (rasmetak) تابع لشركة RASMETAK LTD. باستخدامك للموقع أو طلبك منه انت موافق على هالشروط.
الأسعار
كل الأسعار بالدينار الأردني. السعر المعتمد هو السعر الظاهر وقت تأكيد الطلب. السعر المشطوب هو سعر المنتج بالسوق قبل خصمنا، وللباكات هو مجموع أسعار قطعها بالسوق.
تأكيد الطلب
بعد ما تبعت الطلب، فريقنا ممكن يتواصل معك لتأكيده. من حقنا نلغي أي طلب فيه معلومات غير صحيحة أو مشبوهة، أو إذا المنتج خلص فجأة — وبنبلغك فوراً.
أكواد الخصم
كل كود إله شروطه (حد أدنى، مدة، عدد استخدامات). كود واحد لكل طلب، وما بينصرف كاش.
الدفع
الدفع عند الاستلام، أو تحويل كليك، أو البطاقة عبر مزوّد دفع آمن. طلبات البطاقة غير المدفوعة خلال 3 ساعات بتنلغى تلقائياً.
الكفالة والإرجاع
حسب سياسة الاستبدال والاسترجاع المنشورة بالموقع.
الاستخدام المسموح
ممنوع أي محاولة لاختراق الموقع، أو تخمين أكواد الخصم، أو إنشاء طلبات وهمية. أي إساءة بتعرّض الحساب للإيقاف.
تواصل معنا
لأي سؤال أو شكوى، احكي معنا عبر صفحة «تواصل معنا» وبنرد بأسرع وقت.