إحنا رسمتك
رسمتك بلّشت من فكرة بسيطة: كل واحد فينا جوّاه فنان، بس بحتاج الألوان الصح وبسعر منطقي.
بلّشنا كمتجر إلكتروني أردني متخصص بألوان التاتش الكحولية، ومع الوقت صرنا نعرف الماركرات حبة حبة: درجاتها، رؤوسها، وأي بوكس بناسب المبتدئ وأي بوكس بحتاجه المحترف. ومن هون كبرت التشكيلة لدفاتر التلوين الكوزي، أقلام الأكريليك، وأقلام التحديد.
شو بميّزنا؟
- تخصص حقيقي: بنعرف شو بنبيع، وبنساعدك تختار صح بدون ما نبيعك إشي ما بتحتاجه.
- شركة موثّقة: رسمتك تابعة لشركة RASMETAK LTD المسجّلة رسمياً في المملكة المتحدة.
- ثقة بالتعامل: الدفع عند الاستلام، وفيك تعاين طلبك قبل ما تدفع، وكفالة 30 يوم.
- توصيل لكل الأردن: من عمّان لإربد للعقبة.
وعدنا إلك
ما بنبالغ ولا بنكذب بالعروض: السعر المشطوب هو سعر السوق الحقيقي، والخصم خصم. وإذا صار أي خطأ، بنصلّحه — لأنه أهم إشي إنك تكون راضي وترجع ترسم معنا.
